БАРИЛГЫН САЛБАРЫН ЗАХ ЗЭЭЛ БА БАЙГУУЛЛАГЫН НӨХЦӨЛ БАЙДЛЫН ЦОГЦ СУДАЛГААГ АМЖИЛТТАЙ ХИЙЖ ГҮЙЦЭТГЭЛЭЭ
Манай байгууллага Монгол Улсын барилгын салбарын өнөөгийн нөхцөл байдал болон хөгжлийн чиг хандлагыг олон улсын болон дотоодын түвшинд гүнзгийрүүлэн судалж, барилгын салбарт үйл ажиллагаа явуулдаг аж ахуйн нэгжийн дотоод орчны үнэлгээ, хэрэглэгч ба өрсөлдөгчийн иж бүрэн судалгаа, стратегийн орчны шинжилгээг цогцоор нь амжилттай хийж гүйцэтгэлээ.
Энэхүү судалгаа нь байгууллагуудын стратеги төлөвлөлт, зах зээлд суурилсан шийдвэр гаргалтад бодитой үндэслэл өгөх зорилготой бөгөөд дараах үндсэн чиглэлүүдийг хамарсан болно.
Макро орчны судалгаа
Барилгын салбарын нийтлэг орчныг том зургаар харах үүднээс дараах гол сэдвүүдийг гүнзгийрүүлэн шинжиллээ.
- Монгол Улсын макро орчны нөлөөллийн шинжилгээ:
Улс төр, эдийн засаг, нийгэм, технологи, байгаль орчин, хууль эрхзүйн хүчин зүйлсийн эерэг болон сөрөг нөлөөллийг үнэлэв. - Дэлхийн барилгын салбарын чиг хандлага:
Эдийн засгийн мөчлөг, түүхий эдийн үнийн хэлбэлзэл, олон улсын зах зээлийн гол үзүүлэлтүүд. - Дотоодын барилгын зах зээлийн эрэлт болон нийлүүлэлт:
Барилгын зах зээлийн төлөв, өсөлт бууралтын чиг хандлага, салбарын гол үзүүлэлтүүдийн шинжилгээ.
Эдгээр мэдээлэл нь зах зээл хаашаа чиглэж буйг том зургаар ойлгох, салбарын ирээдүйн төлөвийг бодитой таамаглахад чухал ач холбогдолтой.
Микро орчны судалгаа
Макро түвшний өргөн хүрээтэй мэдээллээс гадна байгууллагын бизнесийн орчинд шууд нөлөөлөх хүчин зүйлсийг дараах чиглэлүүдээр нарийвчлан судлав.
- Өрсөлдөгчийн шинжилгээ:
Зах зээлд тоглогчдын давуу тал, сул тал, зах зээлд эзлэх байр суурь, өрсөлдөөний стратеги, үнийн бодлого, үйлчилгээний онцлог
- Хэрэглэгчийн сэтгэл ханамж ба хандлагын судалгаа:
Харилцагчдын хэрэгцээ, хандлага, зан төлөв, үйлчилгээнд өгөх үнэлгээ, сайжруулах шаардлагатай үндсэн үзүүлэлтүүд
- Байгууллагын дотоод орчны үнэлгээ:
Байгууллагын нөхцөл байдлыг зөвхөн тоон үзүүлэлтээр бус, ажилтнуудын санал бодол, дотоод үйл ажиллагааны процессын нарийн үнэлгээнд тулгуурлан дараах чиглэлүүдээр тодорхойлов. Ажилтнуудын үнэлгээг тусгаж өгсөн нь байгууллагын бодит нөхцөл байдлыг олон өнцгөөс, илүү нарийвчлалтай тодорхойлох давуу талыг бий болгосон.
Эдгээр дүн шинжилгээ нь байгууллага өөрийн өрсөлдөх чадварыг сайжруулах, стратегиа шинэчлэх, үйлчилгээгээ илүү чанартай болгох шийдвэр гаргалтад чухал суурь болох боломжийг бүрдүүлдэг.
Судалгааны онцлог
Энэхүү цогц судалгаа нь дараах давуу талуудаараа онцлог:
- Барилгын салбарын макро болон микро орчныг иж бүрэн хамарсан
- Зах зээлийн ерөнхий байдалтай уялдуулан байгууллагын дотоод чадамж, боломжийг гүнзгий үнэлсэн
- Стратегийн түвшний шийдвэр гаргалтад зориулагдсан нотолгоонд суурилсан зөвлөмжүүдтэй
- Олон улсын арга аргачлалд тулгуурласан
Энэхүү судалгаа нь барилгын салбарын өнөөгийн төлөв байдал, ирээдүйн боломж, эрсдэлийг тэнцвэртэйгээр харуулж, байгууллагуудын стратеги, бизнесийн шийдвэр гаргалтад бодитой үндэслэл болох цогц мэдээллийг бүрдүүлсэн.
