SICA
Data Quest грант олгох хөтөлбөр

DATA QUEST

SICA нь залуу судлаачдын шилдэг судалгааны ажлыг шалгаруулж, нийт 92 сая төгрөгийн грант, шагнал олгох DATA QUEST тэмцээний бүртгэлийг эхлүүллээ. Бүртгэл 2026 оны 12 дугаар сарын 10-ны 23:59 цагт хаагдана.

Яагаад DATA QUEST вэ?

Зөв шийдвэр зөв судалгаанаас эхэлдэг. Бид «Судалгаатай үндэстэн» стратегийнхаа хүрээнд Монгол Улсад судалгаанд суурилсан мэдлэг, соёлыг түгээн дэлгэрүүлэх зорилгоор энэхүү төслийг санаачиллаа.

DATA QUEST гурван зүйлийг зорьж байна:

  • Залуу судлаачдын тоо, чанарыг нэмэгдүүлэх
  • Судалгааны соёлыг олон нийтэд таниулах
  • Судалгааны үр дүнг нийгэмд бодит нөлөө үзүүлдэг болгох

Тэмцээн 2026 оны 11 дүгээр сараас 2027 оны 1 дүгээр сар хүртэл Улаанбаатар хотод зохион байгуулагдана. Шалгаруулалтын үе шат, оролцогч багуудын түүхийг телевизийн нэвтрүүлэг хэлбэрээр үзэгчдэд хүргэнэ.

Ерөнхий зохион байгуулагчаар SICA, хамтран зохион байгуулагчаар Цойлогсоз, ТэнГэр ТВ, Системийн инженерчлэлийн институт ажиллаж байна.

Хэн оролцох вэ?

Монгол Улсын их, дээд сургуулийн бакалавр, магистрын түвшний суралцагчид 4 гишүүнтэй баг бүрдүүлэн оролцоно. 2025–2026 оны хичээлийн жилийн хавар төгсөгчид ч оролцох боломжтой.

  • Багийн гишүүд өөр өөр түвшний суралцагч байж болно.
  • Нэг хүн зөвхөн нэг багт бүртгүүлнэ. Баг бүр ахлагчтай байна.
  • Баг нэг зөвлөх багштай байж болно. Зөвлөх нь багийн өмнөөс өгөгдөл цуглуулах, шинжилгээ хийх, тайлан бичих, хамгаалалтад оролцохыг хориглоно.
  • Нэгдүгээр шатны дүн гарснаас хойш гишүүн солихгүй. Эрүүл мэнд, суралцах статус, гэр бүлийн ноцтой шалтгаан л үүнд хамаарахгүй.

Ямар сэдвээр судалгаа хийх вэ?

Багууд Монгол залуусын амьдрал, үнэт зүйл, ирээдүйг хөндсөн 20 сэдвээс сонгох бөгөөд төстэй сэдвийг өөрсдөө дэвшүүлж болно. Сэдвүүдийн бүрэн жагсаалтыг posted.mn/dataquest холбоосоос аваарай. Судалгаандаа дэвшилтэт технологи, хиймэл оюун ашиглахыг зөвшөөрнө.

Тэмцээн хэрхэн явагдах вэ?

Бүртгүүлсэн багуудаас 20 нь Pitch Day-д, тэднээс 5 нь судалгааны үе шатанд шалгарч, Final Pitch-д байр эзлүүлнэ.

  1. Бүртгэл. 2026.11.15–2026.12.10. Багууд судалгааны сэдэв, үндэслэлээ ирүүлнэ.
  2. Эхний шалгаруулалт. Шилдэг 20 баг шалгарна.
  3. Pitch Day. 20 баг судалгааны санаагаа танилцуулна. Шилдэг 5 баг тус бүр 10 сая төгрөгийн судалгааны грант авна.
  4. Судалгааны үе шат. 5 баг грантаараа судалгаагаа хийж гүйцэтгэнэ.
  5. Эцсийн шатны шалгаруулалт (Final Pitch). Багууд судалгааныхаа үр дүнг хамгаалж, байр эзлүүлнэ.

92 сая төгрөгийн шагналын сан

Шагналын сан нь 50 сая төгрөгийн судалгааны грант, 42 сая төгрөгийн эцсийн шагналын сангаас бүрдэнэ.

Мөнгөн шагналаас цаашхи боломж

Шилдэг судалгаа цаасан дээр үлдэхгүй, шийдвэр гаргагчдад хүрнэ.

  • Бодлогын хэлэлцүүлэг. Шилдэг судалгааг бодлогын хэлэлцүүлэгт танилцуулж, шийдвэр гаргагчдад хүргэх боломжтой.
  • Datamon.mn. Судалгааг Datamon.mn платформд төлбөртэй нийтлэх боломжтой бөгөөд орлого нь судалгааны багт очно.

Хэрхэн бүртгүүлэх вэ?

Багийн ахлагч 2026 оны 12 дугаар сарын 10-ны 23:59 цагаас өмнө posted.mn/dataquest хаягаар бүртгэлийн маягтыг бөглөнө. Бүртгэлд дараах зүйлс шаардлагатай:

  • Багийн нэр, сургуулийн нэр, боловсролын түвшин
  • Гишүүн бүрийн нэр, утасны дугаар, имэйл хаяг
  • Судалгааны сэдвийн нэр, чиглэл
  • Судалгааны үндэслэл, зорилгын файл (PDF эсвэл DOCX, 10 MB хүртэл)

Мөн баг дараах таван асуултад хариулна:

  1. Ямар бодит асуудлыг судлах вэ?
  2. Яагаад яг одоо судлах шаардлагатай вэ?
  3. Судалгааны үр дүнг хэн ашиглах вэ?
  4. Үр дүн нь ямар шийдвэр, үйлдэлд нөлөөлөх вэ?
  5. Ямар арга зүйгээр судлах вэ?

Бүртгэлтэй холбоотой асуултаа 8918 0742 дугаараар лавлана уу.

Багаа бүрдүүлж, судалгааны санаагаа бидэнд ирүүлээрэй.

Судалгаатай Үндэстэн

Таны сэтгэгдэл
0
0
0
0
0
0
Зөв
Зөв
Тэнэглэл
Тэнэглэл
Харамсалтай
Харамсалтай
Савж уналаа
Савж уналаа
Буруу
Буруу
Гайхмаар
Гайхмаар
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Мэдээлэл