Агаарын бохирдлыг бууруулахад үнэн бодит тоо, мэдээлэл нэн чухал. Бид орчин үеийн технологи ашиглан SICA ХХК-тай хамтран “Агаар бохирдуулагч суурин эх үүсвэрийн бүртгэл, тооллого-2014”, тоон болон чанарын судалгаануудыг хийсэн. Сүүлийн үеийн дэвшилтэт технологи, ухаалаг гар утас ашиглаж онлайнаар тооллогыг явуулсан нь давуу талтай байсан бөгөөд тооллогын үр дүнд онлайн бүртгэлийн цогц мэдээллийн баазыг хүлээн авсан нь хамгийн чухал үр дүн байлаа. Тус компани нь бидний ажлыг чин сэтгэлээсээ, олон улсад хүлээн зөвшөөрөгдсөн стандарт, арга зүйг ашиглан мэргэжлийн өндөр түвшинд хийж гүйцэтгэсэнд маш их сэтгэл хангалуун байна. Судалгаа, шинжилгээ гэдэг бол зөв бодлого, зөв хөгжлийн эхлэл юм. SICA ХХК-ийн хамт олонд өндрөөс өндөр амжилт хүсье.

Манай байгууллага судалгаа, шинжилгээний Эс Ай Си Эй (SICA) ХХК-тай 2013, 2014 онуудад хөдөлмөр эрхлэлттэй холбоотой таван судалгааны ажил дээр хамтран ажиллаад байна. Эдгээрийн дотор АНУ-ын нэр хүнд бүхий тинк танк РЭНД корпорацитай хамтран үндэсний хэмжээний томоохон судалгааны дотоодын хамтрагчаар амжилттай ажилласаныг тэмдэглэхэд таатай байна. SICA компани нь судалгаа, шинжилгээний салбарт туршлага хуримтлуулж байгаа, үндэсний компани бөгөөд гэрээгээр хүлээсэн үүргээ цаг хугацаанд нь мэргэжлийн түвшинд, чанартай гүйцэтгэхэд анхаарч, захиалагчийн шаардлагыг биелүүлэх эрмэлзэлтэй байдаг нь хамтын ажиллагааны үр дүнг дээшлүүлэх нөхцөл болдог. Цаашид ч хамтран ажиллаж байгаа аливаа байгууллагын өмнө хариуцлагатай ажиллаж чадна гэдэгт итгэлтэй байна.