МЭДЛЭГ: ХЭРЭГЛЭГЧИЙН МЭДЭЭЛЭЛ ЦУГЛУУЛАХДАА БОДОЛЦОХ 10 АСУУЛТ

Та бүгдэд “Хэрэглэгчийн мэдээлэл цуглуулахдаа бодолцох 10 асуулт” нийтлэлийг хүргэж байна.

Танай байгууллагын үйлчлүүлэгч эсвэл хэрэглэгч нь өөрийн хувийн болон санхүүгийн мэдээллийг таньтай хуваалцаж байгаа бол санаатай болон санамсаргүй байдлаар мэдээлийг нь алдахгүй гэдэгт танд итгэж байгаа явдал юм. Үйлчлүүлэгч таныг тэдэн рүү хоёр минут тутамд spam е-майл илгээхгүй, гуравдагч этгээдэд эсвэл кибер халдагчдад мэдээллийг нь задруулахгүй байхыг л хүсдэг.

Үйлчлүүлэгчийн мэдээллийг цуглуулах үйл явц нь хувийн шинжтэй нарийн төвөгтэй ажил боловч зөв хийсэн тохиолдолд танд эрсдлээс илүүтэйгээр үр ашгийг бий болгоно. Үйлчлүүлэгчийн мэдээллийг цуглуулах нь тэдний сэтгэл ханамжтай байх байдлыг нэмэгдүүлж, үйлчлүүлэхээ болих байдлыг бууруулж, ашгийн хэмжээг өсгөхөд туслана.

Хэрэглэгчийн мэдээллийг цуглуулах нь бизнес эрхлэгчийн хувьд шууд л цуглуулаад эхэлдэг зүйл биш. Хэрэглэгчээс ямарваа нэг зүйл асуухаас өмнө дараах 10 асуудлыг бодож үзсэн байх шаардлагатай.

1. Үйлчлүүлэгчийн төлж буй мөнгөнөөс өөр зүйлийг тэднээс асуух эсвэл авах цаг хугацаа гардаггүй. Тэдний мэдээллийг заавал цуглуулах шаардлагатай гэж үү?

Хэрэглэгч/ үйлчлүүлэгчгүйгээр таны бизнес оршин тогтнохгүй. Тэдний хэн болох, танаас яг юу хүсэж байгааг мэдэх нь үр ашигтай маркетингийг бий болгох ба брэндийн үнэнч байдлыг нэмэгдүүлж, борлуулалтын өсөлтөд нөлөөлнө.

“Хэрэглэгчийн мэдээллийг цуглуулах нь танд хэрэглэгчийг нэг бүрчлэн мэдэх, тэдэнтэй харилцахад туслана.” гэж Jeff Tanner (Baylor Их сургуулийн пропессор, Бизнес хамтын ажиллагааны сургуулийн захирал) хэлсэн байдаг. Цуглуулж буй мэдээлэл нь өндөр маржинтай худалдан авалтын түвшинг өсгөх ба хэрэглэгч авахыг хүссэн зүйлээ худалдан авч байгаа тул үнэ цэнийг(value) ч бас нэмэгдүүлэхэд туслана.

2. Ямар төрлийн хувийн мэдээллийг цуглуулах хэрэгтэй вэ? Яагаад?

Мэдээлэл цуглуулахдаа нэр, э-майл хаяг зэрэг энгийн асуултуудаас эхлэх хэрэгтэй. Эдгээр асуултууд нь эхний ээлжинд таныг тэдэнтэй холбоо тогтоох, шууд маркетинг хийх, захиалгатай холбоотой асуудал гарахад хурдан хариу үйлдэл үзүүлэхэд чинь тусална. Дараагийн шатанд ерөнхий үзүүлэлтүүд болох нас, мэргэжил, хүйс зэрэг мэдээллийг цуглуулж эхэлнэ.

Хэрэглэгч танд итгэж эхлэх мөн хэрэглэгчийн итгэх итгэлийг нэмэгдүүлэх явцдаа тэднээс асуух асуултуудаа нарийвчилж сэтгэл зүйн асуултууд болох хувь хүний зан чанар, эрхэмлэдэг зүйлс, амьдралын хэв маяг гэх зэрэг мэдээллийг цуглуулж эхэлнэ. Жишээлбэл: та тавилгын дэлгүүртэй гэж үзвэл, жижиг хэмжээний судалгааны асуулга ашиглан тэднийг хүүхэдтэй эсэхийг мэдэж хүүхдийн тавилга санал болгож болно.

3. Ямар төрлийн худалдан авалттай холбоотой мэдээлэл цуглуулах хэрэгтэй вэ? Яагаад?

Үйлчлүүлэгч бүрийн худалдан авалтын түүхийг цуглуулж анализ хийх нь тэд танаас ямар бүтээгдэхүүнийг хэзээ, хэр давтамжтайгаар худалдан авдагыг тодорхойлох боломжийг бий болгох ба ирээдүйд тэдэнд ямар төрлийн бүтээгдэхүүн үйлчилгээ санал болгох хэрэгтэйг тодорхойлоход туслана. Amazon, Zappos зэрэг компаниуд энэ төрлийн анализийг практикт өргөн ашигладаг бөгөөд энэ анализийг “Сагсны шинжилгээ” (Basket Analysis) гэж нэрлэдэг. Сагсны шинжилгээ нь өмнөх худалдан авалтын түүхт үндэслэн тухайн хэрэглэгчийн хувь хүний зан чанарт тохируулсан бүтээгдэхүүнийг санал болгодог.

4. Хэрэглэгчийн мэдээллийг цуглуулах хамгийн оновчтой арга юу вэ?

Хэрэглэгч танай компаниар үйлчлүүлэх бүрд – үйлчилгээтэй холбоотой мэдээллийн тухай утсаар ярих эсвэл онлайн чат ашиглан харилцах, магадгүй дэлгүүрийн худалдагчаар дамжуулан эсвэл онлайн судалгаа бөглүүлэх байдлаар мэдээллийг цуглуулан тухай бүрд нэмж баяжуулан мэдээллийн баазыг бий болгоно.

5. Мэдээллийг хэрхэн цэгцэлж, хадгалах вэ?

Хэрэглэгчээс цуглуулсан мэдээллийг Excel дээр хадгалах нь мэдээллийн бааз үүсгэх хамгийн энгийн аргуудын нэг боловч урт хугацааны үйл ажиллагаа, нууцлал талаасаа тийм ч тохиромжтой арга биш. Мэдээллийг хадгалах, цуглуулах хамгийн сайн, цаг болон зардлыг хэмнэдэг арга нь Хэрэглэгчийн Харилцааны Удирдлагын Систем(CRM) юм.

Хэрэглэгчийн мэдээллийн хэмжээнээс хамааран CRM-ийн олон төрлийн програмууд байдаг ба Pipeliner (сарын $30, 30 өдрийн үнэгүй эрх), Zoho (сарын $12-$35, 15 өдрийн үнэгүй эрх) эсвэл Teradata зэрэг програмуудыг ашиглаж болно.

6. Хэрэглэгчийн хувийн болон санхүүгийн мэдээллийг хэрхэн хамгаалах вэ?

Хэрэглэгчийн мэдээлийг encrypt хийх нь хамгаалалтын хамгийн эхний алхам юм. Тэдний нэр, хаяг, э-майл хаяг, кредит картны дугаар, хэрэглээний зан төлөв, нийгмийн сүлжээнд холбогдох байдал, бусад хувь хүнтэй холбоотой мэдээллийг нууцлах хэрэгтэй.

Мэдээллийг encrypt хийх аргууд нь салбар салбараас хамааран өөр өөр байдаг. Жижиг бизнест зориулсан кибер хамгаалалтыг бий болгох энгийн зөвлөгөөг ашиглаж болно. Хэрэв их хэмжээний мэдээлэлтэй ажиллаж байгаа бол мэдээллийн аюулгүй байдлыг хангах мэргэжилтэнд хандах нь зүйтэй.

Хэрэв та гуравдагч этгээдээр хэрэглэгчийн мэдээллийг цуглуулж байгаа бол мэдээллийн нууцлалыг өндөр түвшинд ханган ажиллаарай.

7. Хэрэглэгчийн мэдээллийг цуглуулах нь хуулийн дагуу болж байгааг хэрхэн мэдэх вэ?

Хэрэглэгчээс мэдээлэл цуглуулах нь хуулийн дагуу мөрдөх Хэрэглэгчийн Хувийн Мэдээллийн нууцын бодлогыг боловсруулахыг танаас шаарддаг. Энэхүү бодлогод ямар төрлийн мэдээллийг хэн цуглуулах, хэрхэн ашиглах, хэнтэй хуваалцах зэргийг тусгана. Мөн хэрэглэгчийн маркетингийн мэдээлэл хүлээн авах эсэхийг шийдэх боломжийг хэрэглэгчид бий болгож зааж өгөх нь зүйтэй.

8. Хэрэглэгчийн мэдээллийг гуравдагч этгээдэд худалдах хэрэгтэй юу?

Энэ нь таны сонголт. Нилээн хэдэн компаниуд хэрэглэгчийн мэдээллийг зарж түүнээсээ ашиг олдог. Гэхдээ хэрэглэгчийн мэдээллийг худалдах нь хэрэглэгчийг танаас хөндийрүүлж улмаар танай компаниар үйлчлүүлэхээ болиход хүргэх эрсдэлтэй байдаг. Хэрэв хэрэглэгчийн мэдээллийг худалдахаар шийдсэн бол Хувь хүний мэдээллийн нууцыг хадгалах бодлогодоо тусгах нь зүйтэй.

9. Цуглуулсан хэрэглэгчийн мэдээлэл нь ямар ашигтай вэ?

Цуглуулсан мэдээлэлд үндэслэн хэрэглэгчид үнэ цэнийг(value) бий болгоно гэдэг нь бизнесийн хамгийн том давуу тал юм. Хэрэглэгчийн мэдээлэл нь танд зорилтот хэрэглэгчийг тодорхойлох, тэдэнтэй хэрхэн үр дүнтэй харилцах, маркетинг хийх зураглалыг бий болгоно.

10. Нийтлэг гаргадаг, зайлсхийх хэрэгтэй ямар алдаа байдаг вэ?

Хамгийн том алдаа нь хэрэглэгчээс нэг дор хэтэрхий их асуулт асуух явдал байдаг тул хэрэглэгчийг асуултаар дарахаас зайлсхийх хэрэгтэй. Өөр нийтлэг алдаа нь хэрэглэгчийн мэдээллийг ашиглахгүйгээр зөвхөн тэдний худалдан авалтын мэдээлэлд үндэслэн таамаглал хийх явдал байдаг тул хэрэглэгчийн хувийн мэдээлэл, худалдан авалтын мэдээллийг хослуулан ашиглаж, дүгнэлт, шинжилгээ хийх нь таны бизнесийн үр ашгийг нэмэгдүүлнэ.

Sica LLC
SICA LLC was established on April 27, 2010 and provides high quality research, monitoring and evaluation, training, and project management services to our clients. We have been working to be the organization that strive for superior quality and value our clients, and we have been able to enhance our resources and capabilities year after year.